Litova Esperanto-Asocio afable invitas vin partopreni vicajn ĉiujarajn internaciajn somerajn tradiciajn la 56-ajn Baltiajn Esperanto-Tagojn (BET-56). La aranĝo estas dediĉata al la 770-jariĝo de Klaipėda.
DATO:
la 9-17-an de Julio, 2022. Veni al la aranĝo eblas jam la 8-an de Julio.
CELOJ kaj TASKOJ:
studi problemojn de Esperanto-movado, elstarigi nuntempajn ĉefajn taskojn de Esperanto-agado, interŝanĝi sperton pri esperantista laboro, perfektiĝi en Esperanto, enhavoriĉe pasigi la tempon. Baltiaj Esperanto-Tagoj okazas ekde 1959 ĉiujare laŭvice en Latvio, Estonio, Litovio.
LOKO
BET-56 okazos en la havenurbo de Litovio KLAIPĖDA, kiu situas apud Balta maro, 300 kilometrojn okcidenten for de la ĉefurbo de Litovio Vilnius.
Ĝi estas la tria laŭ grandeco urbo de Litovio, grava industria kaj kultura centro. Klaipėda estas centro de la samtitola Litovia regiono . Klaipėda estas fondita en 1252 jaro. Nun ĝi havas ĉirkaŭ 153000 loĝantojn.
La ĉefa lokalo de BET-56 estos la moderne kaj bonege ekipita universitato de Klaipėda (str. H. Manto 84), kie funkcios ĉiuj programeroj de BET-56. La universitato situas en la centro de la urbo. La loko estas libere kaj facile atingebla buse kaj aŭtomobile.
La partoprenantoj de BET-56 havos luksajn kondiĉojn por laboro kaj ripozo. Ili povos libere kaj senlimige uzi la tutan infrastrukturon kaj servojn de la universitato (kunsidejojn, salonojn, aŭditoriojn, studentajn domojn, universitatan kafejon, la plej modernajn teknikaĵojn, multajn komputilojn kun libera reta aliro k.s.). Krom tio, universitato havas sian botanikan ĝardenon kaj du ŝipojn Brabander kaj Odisėja, kiuj ankaŭ estos uzeblaj por ekskursoj kaj aliaj bezonoj de BET-anoj. BET-56 havas subtenon, kunlaboron kaj diversflankan helpon de la urba municipo kaj ankaŭ de la tutlandaj ŝtataj instancoj.
PARTOPRENO
Ni invitas ĉiujn esperantistojn. Speciale ni dezirus vidi esperantistojn el la landoj ĉirkaŭ la Balta Maro, sed ankaŭ de ĉiuj aliaj najbaraj kaj pli foraj landoj. La kvanto de la partoprenantoj ne estas limigita. Ni atendas minimume 500 gastojn el 30 – 40 landoj.
ALIĜKOTIZO
Ĝis 31 Dec. 2021:
a) 50 eŭroj por esperantistoj el ekssovetiaj kaj ekssocialismaj Eŭropaj landoj;
b) 70 eŭroj por okcidentanoj kaj egaluloj.
Ekde 01 Jan. 2022 aliĝkotizo por ambaŭ aliĝkategorioj kreskos je 10 eŭroj (do, 60 kaj 80 eŭroj).
Infanoj, lernantoj kaj studentoj aliĝkotizon ne pagas. Pageblas en ajna konvertebla valuto.
ALIĜO
Por aliĝi necesas plenigi aliĝilon kaj sendi ĝin poŝte al Litova Esperanto-Asocio:
p.k. 167, LT-44002 Kaunas, Litovio.
Plenigitan aliĝilon eblas sendi ankaŭ rete al litova.ea@mail.lt.
Retan aŭtomatan aliĝilon https://docs.google.com/forms/d/e/1FAIpQLSfTQ1lsN-8K3C_AEATo95skwjxxlayTE4lIY53AINXag967dQ/viewform Vi povas trovi en la retejo de BET-56: http://www.esperanto.lt/board/zboard.php?id=BET56
Samtempe pagu aliĝkotizon. Paperaj aliĝiloj riceveblas ĉe LEA kaj estas troveblaj rete.
GRAVE! Esperantistoj, kiuj grave kontribuos al la programo de la aranĝo aŭ / kaj signife helpos organize, aliĝkotizon ne pagos.
PAGEBLECOJ:
1) sendi poŝte/ĝire al konto de kasistino de BET-56 Irena JAGMINAITĖ – LT687300010157748186 en SWEDBANK, SWIFT kodo HABALT22XXX;
2) pagi per kontanta mono dum la esperantistaj aranĝoj al s-ino Irena JAGMINAITĖ kaj aliaj organizantoj de BET-56;
3) interkonsenti kun la Organiza Komitato pri alia pagmaniero;
4) esceptokaze, kun konsento de la Organiza Komitato, pagi surloke ĉe veno al la aranĝo, se ne eblas anticipa pago.
Aliĝkotizo ne estas repagebla. Aliĝo sen pago de kotizo ne validas (krom speciale interkonsentitaj kazoj).
LOĜADO
Partoprenantoj de BET-56 povos loĝi :
1.En studenta domo de la universitato (Universiteto al. 12) situanta en la universitata urbeto mem:
a) unulitaj ĉambroj (limigita kvanto) - prezo 35 eŭroj tagnokte;
b) dulitaj ĉambroj – prezo 30 eŭroj tagnokte pro unu lito.
Necesejoj kaj lavujoj apud la ĉambroj. Duŝejoj por du aŭ kvar personoj.
2. En studenta domo de la universitato (av. Statybininkų 43) iom for de la urbocentro:
Dulitaj kaj trilitaj ĉambroj. Prezo de unu lito tagnokte estas 20 eŭroj. Necesejoj kaj lavujoj estas apud ĉambroj. Duŝejoj estas komunaj por tuta etaĝo.
3.En studenta domo de la Litovia supera marista lernejo (str. Karklų 2). Situas apud la universitato. Dulitaj kaj trilitaj ĉambroj. Prezo de unu lito tagnokte estas 20 eŭroj. Necesejoj, lavujoj kaj duŝejoj estas apud la ĉambroj.
Se nesufiĉos tiuj proponoj, Organiza komitato aldone rezervos ĉambrojn en studentaj domoj ankaŭ de Ŝtata kolegio de Klaipėda, Turisma lernejo de Klaipėda, Klaipėda instrua centro k.a. La kondiĉoj estas analogaj.
Dezirantoj povas loĝi ankaŭ en multaj diversnivelaj kaj diversprezaj hoteloj kaj gastejoj de la urbo. Ilin mendu memstare. Plena grandega listo de urbaj hoteloj kaj gastejoj estas ĉi-tie: https://klaipedatravel.lt/nakvyne/ La informoj estas en la litova, angla, germana kaj rusa lingvoj
Pagu pro la loĝado, same kiel la aliĝkotizon, dezirinde laŭeble pli frue, esceptokaze eblas pagi ankaŭ surloke, veninte dum la registrado.
MANĜADO
En la universitata kafejo Jogundė. Oni servos modestan matenmanĝon kaj normalan tagmanĝon. Oriemtiga unutaga prezo de ambaŭ estas 10 eŭroj (3 eŭroj matenmanĝo kaj 7 eŭroj tagmanĝo). Eblos organizi vegetaran manĝon. Vespermanĝon ĉiu organizu memstare laŭplaĉe. Pagu same kiel aliĝkotizon, laŭeble pli frue, esceptokaze eblos pagi ankaŭ surloke, veninte dum la registrado.
PROGRAMO
Tradicia, t.e. somera universitato, paroligaj kaj perfektigaj kursoj, literaturaj aranĝoj, muzikaj kaj artaj vesperoj, debatoj pri situacio kaj problemoj de Esperanto-movado en baltiaj landoj, tradukista kurso, pedagogia seminario, seminario de klubestroj kaj aktivuloj, movada lernejo, sciencteknikaj kaj fakaj aranĝoj, instruado de kantoj, junularaj aranĝoj, konkursoj, kvizoj, distraj programeroj, ekskursoj, ripozado en naturo, diskutoj, forumoj, libroservo, diservo, interkona vespero, baza konatiĝo kun litova lingvo kaj kulturo, ekspozicioj, filmoj kaj lumbildoj, gazetara konferenco, sportaj ludoj, oficiala malfermo kaj fermo, adiaŭa vespero.
La Organiza Komitato atendas proponojn, sugestojn, ofertojn por la programo, ankaŭ sinproponojn.
KELKAJ GRAVAJ RETEJOJ
1 Urbaj turismaj informoj : https://klaipedatravel.lt/ . Informoj estas en la litova, angla, germana kaj rusa ,lingvoj.
2. Urba mapo : https://klaipedatravel.lt/en/map/ en la litova, angla, germana kaj rusa lingvoj.
3.Vikipedio pri Klaipėda en Esperanto: https://eo.wikipedia.org/wiki/Klaip%C4%97da
VIZOJ
Al Litovio senvize rajtas veni civitanoj de ĉiuj landoj de Eŭropa Unio kaj de multaj aliaj landoj. Aliaj vizojn havigu memstare en Litoviaj ambasadejoj kaj konsulejoj en diversaj landoj. En problemaj kazoj turnu vin por helpo al Litova Esperanto-Asocio. Se necese, LEA povas sendi oficialan inviton.
ALIAJ GRAVAĴOJ
Komence de Junio, 2022 rete aperos Informilo N-ro 2 kun pli detalaj kaj aktualaj informoj pri BET-56.
Ni antaŭvidas eldonon de ĉiutaga gazeto dum la tuta periodo de la aranĝo.
Aktualajn informojn pri BET-56 Vi povas trovi en retejo de BET-56: http://www.esperanto.lt/board/zboard.php?id=BET56
Aktualaĵojn pri BET-56 konstante publikigas ankaŭ novaĵretejo La Balta Ondo (https://sezonoj.ru/bet/ ) kaj la reta revuo La Ondo de Esperanto.
Ankaŭ estas kreita eventopaĝo de BET-56 en Facebook: https://www.facebook.com/events/515974583016709/?acontext=%7B%22ref%22%3A%2252%22%2C%22action_history%22%3A%22[%7B%5C%22surface%5C%22%3A%5C%22share_link%5C%22%2C%5C%22mechanism%5C%22%3A%5C%22share_link%5C%22%2C%5C%22extra_data%5C%22%3A%7B%5C%22invite_link_id%5C%22%3A360320015663692%7D%7D]%22%7D
KONTAKTOJ DE LEA
Adreso: p.k. 167, LT-44002 Kaunas, Litovio, Litova Esperanto-Asocio
Poŝtelefonoj: +370-687-12219 (Povilas JEGOROVAS);
+370-611-60402 (Asta NASTARAVIČIŪTĖ).
Retadresoj: De Litova Esperanto-Asocio: litova.ea@mail.lt;
Prezidanto de Litova Esperanto-Asocio
Povilas JEGOROVAS: pjegorovas@yahoo.com
Respondeca sekretario de Litova Esperanto-Asocio
Asta NASTARAVIČIŪTĖ : anasturte@gmail.com
Retejo de BET-55: http://www.esperanto.lt/board/zboard.php?id=BET56
Litovaj esperantidstoj faros ĉion eblan por ke BET-56 estu vere altnivela internacia esperantista aranĝo kaj programe kaj organize. Bonvolu jam nun plani Vian partoprenon en BET-56 kaj notu tiujn datojn en Via Esperanto-Kalendaro. Ĉiuj estas petataj disvastigi informojn pri BET-56 vaste tra la tuta mondo.
BONVENON AL LITOVIO!
Organiza Komitato
Alighilo-BET-56
Lastaj komentoj